زنوبيا - فيروز و الأخوين رحباني

12:45 ص


زنوبيا زنوبيا
اسمعي يا زنوبيا اسمعي
أبواق الرومان عم تعلن نهاية تدمر
تدمر يا نجمة المشارق
حاصرتك روما واستشهدوا أبطالك
لبصرى عم يسمع نحيبك
يا طفلة الممالك
أهربي يا زنوبيا أهربي أهربي
وين العربية ويني والممر السري وينيي
و كرام الدراويش ويني
ولا تذلك روما زنوبيا أهربي

لأ إذا أنا بهرب الأرض ما بتهرب
كل شي عم يهرب
المملكة السعيدة طفلة الممالك هربت من إيدينا
خمس سنين حكمت زنوبيا
بنيت حضارة ثارت على روما
خمس سنين با غفلة سريعة يا خمس سنين
خمس سنين ميت سنة بيمروا متل الطير
بياكلهن الزمان
زمان اللي بياكل كلس الحيطان
بس اللي بيبقى الوحده بيبقى شرف الوقفة صرخة بوجي الظلم
انهدم البرج انكسر السور العسكر هاجم صوب الملكة متل الأطفال اللي بدن يتخطافوا اللعبة
هربي يا زنوبيا هربي يا زنوبيا
و إنتو؟
نحنا منبقى نحنا عشب الأرض
و العاصفة بتمرق فوق
بتكسر الورد العالي
وردة إنتي و العاصفة جاية تاخدك إنتي
- أنا زنوبيا ملكة المملكة النبيلة
- لأجل الحرية بختار الموت عطوني كاس الموت
الملكة العظيمة رفضت الظلم و اختارت الموت اختارت النسيان
ودعوا زنوبيا بموسم الدمع بصوت الفرح بورق الرمان
- يا موت يا زهرة البطولة يا تاج الحياة و عطية المحبة الخجولة
- يا موت هديني بإيدي خدني ع طرقات مفروشة بالنوم و سعيدة
- و يا أهالي تدمر: خمس سنين من العمر عشتوها أحرار
- إلكن سما و هوية و اللي سكن الحرية يوم نهار ما بقى تقدر روما تسلب منو الحرية
- كاسك يا موت
أورليانوس الأمبراطور
زنوبيا ما إلك مهرب من روما حتى بالموت
- أورليانوس أنا برفض روما و سيطرة روما
إنتي اتمردتي
- نحنا عم نتحرر
و عارفي مصيرك؟
- عارفة مصيري بساحات روما مكبلة بالحديد
تمشي بالشوارع مغلوبي أسيرة يتفرجوا الناس عالملكة الأسيرة
- اللي بدو يصير ما عاد يهم أنا لعبت الدور و الدور المهم
لا تخدعي الناس صارحي الناس قوليلن انكسرتي
- أورليانوس الإنكسار بيمضى و الإنتصار بيمضى
- و بكرا بالإيام تدمر اللي انكسرت و روما اللي انتصرت تنينتهن حجار
- و أنت و أنا تمثالين بساحة الأثار
- لكن بكل زمان و مكان بدا تطلع روما تطغي و تظلم و بدا تطلع تدمر ترفض الظلم
- و بآخر الآخر بسهول الزمان تنتصر تدمر تدمر الحريي تدمر الصرخة اللي بقلب الإنسان
كبلوا زنوبيا خدوها على روما

تتقدم أجسامنا يحصدها السيف الحاصد
تتمدد أيامنا ينهبها الوقت الراصد
إذا مننسى زنوبيا أو صرخة زنوبيا
زنوبيا زنوبيا زنوبيا
- لوحوا بإيديكن ودعوا زنوبيا
- قولوا للشعرا يكملوا الأشعار
- قولوا للثوار يضلهن ثوار
- المملكة تدمر انتهت من الأرض
- صارت بالقلوب صارت بالمدار
- صارت الصرخة و صارت النار
- أورليانوس عجل خدني على روما عليت الصرخة كبرت على الموت
- لاعسكرك أورليانوس و لا قوة روما و لا كل روما بالدهر بتسكت هالصوت

0 comments: